BENVIDOS A ARXON ESTRATEGIA

´Non hai vento favorable para o que non sabe onde vai.´

Lucio Anneo Séneca. Filósofo Latino (2 AC- 65).

Somos unha consultora especializada en empresas familiares, finanzas e estratexia que ofrece a cada compañía un abanico de servizos adaptados ás súas necesidades.
Traballamos xuntos para fixar o rumbo adecuado para a túa empresa, axudámosche a mantelo e a afrontar as posibles tempestades. Gústanos estar preto dos nosos clientes, por iso, actuamos sobre o terreo con flexibilidade e apoio constante.
Colaboramos contigo enfocándonos no teu proxecto, adaptándonos as túas necesidades e a túa empresa , seremos o teu apoio permanente ao xestionar a substitución xeracional ou o reenfoque da túa empresa familiar.
Traballando no día a día contigo, buscaremos as solucións adecuadas para potenciar a viabilidade económico-financeira do teu negocio.
Apoiarémosche na xestión e control da túa empresa, axudándoche a marcar os obxectivos, converténdonos no teu “ Arxon”, esa guía, para alcanzalos.
Acompañándoche ata onde ti queiras.

EMPRESAS FAMILIARES

Servizo integral de cabeceira para unha empresa familiar. Cada familia empresaria é única, e necesita solucións únicas en todas as áreas de xestión. Todo o que un empresari@ necesita no seu día a día.

CONSULTORÍA FINANCEIRA

As dificultades financeiras son a febre das enfermidades nas empresas: Manifestan problemas na xestión. Identificámolos e buscamos a súa solución. As empresas pechan pola caixa. Traballamos para evitalo.

VISIÓN DIRECTIVA

Non somos consultores tradicionais. Temos visión directiva, como empresarios. A nosa experiencia profesional e empresarial en Dirección permítenos coñecerte mellor.

FISCAL E MERCANTIL

Identificamos a responsabilidade do empresario desde a óptica fiscal, patrimonial e mercantil. Vemos o que outros non ven desde a responsabilidade que supón dirixir á empresa.

CRISIS OU OPORTUNIDADE

Unha travesía no deserto? Conte connosco.

Os problemas non deixarán de xurdir. Pero as solucións tampouco.
Cada ano é un bo momento para reinventarse, reformularse retos e afrontar cambios que reforcen a nosa viabilidade futura.
O futuro será daqueles que aprendan rápido e se adapten. As empresas necesitan paixón, eficacia na xestión e soños. Falar de futuro.

Rafael Martinez-Carrasco Samartin
Socio Director

En ARXON ESTRATEGIA necesitamos crear, soñar e achegar paixón nos proxectos nos que participamos. É preciso fixar un rumbo e traballar duro ata mantelo. Como di o filósofo, "Non hai vento favorable para o que non sabe onde vai". Nós axudamos a fixar o rumbo, mantelo e evitar as tempestades que seguro haberá que afrontar.
E aínda que nos orientamos aos obxectivos, temos presente sempre que as persoas son o factor diferencial en calquera organización. Elas fan que os soños sexan realidade.

2006–2009

Iniciamos os servizos de dirección de transición

Desenvolvemos proxectos de dirección externa para diferentes tipos de empresas aproveitando a experiencia de máis de 15 anos desempeñando as funcións como Director Xeneral en diversas compañías.

Constitución da sociedade mercantil

Prestando servizos de consultoría integral para empresas galegas e formación para todo tipo de institucións públicas e privadas: Concellos, Deputación de Coruña, Cámaras de Comercio, CEC, CEO, CEP.

Rede Xiana coa Deputación da Coruña

Asesoramento para emprendedores do Programa Galego de Emprendemento Xuvenil (Dúas edicións)

Alcanzamos presenza en toda a comunidade galega e fóra de Galicia

Os nosos proxectos distribúense en toda Galicia, e noutras provincias como Madrid, Toledo e no estranxeiro: Angola, Rusia, Portugal, etc.

Consultora colaboradora no Proxecto Propulsa a túa Peme

Dando cobertura a 32 empresas participantes na área de Estratexia e Modelo de Negocio das 50 empresas participantes.

Gañadores do concurso IGAPE Competitividade

Consultores adxudicatarios do programa RE-Acciona 2014-2015 na área de Finanzas. Consultora adxudicataria mellor valorada polas empresas-clientes participantes no Programa Re-Acciona de IGAPE.

Programa Innocámaras

ARXON ESTRATEXIA é asesor homologado polo Consello Superior de Cámaras de Comercio para a elaboración de Plans de Negocio Innovadores, así como o acompañamento para a posta en marcha da redefinición do negocio.

Gañadores do concurso IGAPE Innova

Consultora adxudicataria do programa de Desenvolvemento de Lonxa de Investimento no programa transfronteirizo ACEINT (IGAPE e Bic Minho, Universidade de Santiago) para proxectos de innovación e TIC.

Gañadores do concurso Re-Acciona de IGAPE Competitividade

Consultores adxudicatarios do programa Re-Acciona 2016-2018 na área de Finanzas, Optimización Financeira e Mellora do Circulante

Apertura da sede en Lugo de Arxon Estrategia

No afán de crecer en Galicia, en abril de 2018 abrimos nova sede de Arxon Estrategia na cidade de Lugo, para estar máis preto das empresas familiares

Gañadores do Premio Cantábrico Excelente do Periódico El Suplemento

O galardón recoñece o traballo realizado no ámbito do servizo de consultoría da empresa familiar, estratexia e finanzas.

Nova Sede de Arxon Estrategia en Santiago de Compostela

Debido ao crecemento do equipo de Arxon Estratexia, con novas incorporacións, trasladámonos do Edificio Quercus a unha oficina en propiedade na localidade de O Milladoiro (Ames) a poucos minutos da capital, Santiago de Compostela.

Consultora adxudicataria do Programa Re-Acciona 2019-2021 do IGAPE

Na área de finanzas prestando o Servizo de Mellora da Xestión Financeira e procura de Financiamento

1,100Proxectos

4,700horas de formación

OS NOSOS CLIENTES OPINAN

Recollemos o testemuño dalgúns dos nosos clientes.

Coñecín a Rafa de casualidade nun seminario de estratexia e modelo de negocio, a partir de aí apunteime a todos os seus seminarios en Santiago pola enerxía positiva que me achegaba, en cada unha aprendía máis, todos os conceptos complicados tanto de temas financeiros como comerciais e de mercadotecnia, traducíaos a unha realidade entendible e de aplicación práctica e inmediata na miña empresa. Na actualidade, asesóranos en varios proxectos e non teño palabras suficientes para agradecerlle a súa achega CLAVE a un proxecto de gran envergadura de relanzamento comercial que a nosa empresa está a desenvolver. Todo o mundo debería atoparse unha casualidade como Rafa. Grazas Rafa

Rocío Lourenco Presa
Malga
O equipo de Arxon sempre que o necesitas está accesible para atenderche e solucionarche os problemas. Son un máis da nosa empresa. Nunca coñecín a ninguén tan traballador.

Diego Vázquez
imaxin|software
A nosa gratitude a Rafa polo seu inestimable asesoramento durante todos estes anos de profunda transformación na nosa empresa. Cambios xeracionais, incorporación de membros novos, crecemento nunha conxuntura adversa, procura dun adecuado financiamento... A súa profesionalidade e ilusión en todos os proxectos foron de gran axuda. Grazas Rafa, considerámosche un máis da nosa empresa.

Mª. Caridad García Busto
Granja Campomayor

CONSULTOR DE CABECEIRA

Rafael Martínez-Carrasco. Proximidade e experiencia.

Tras anos de traballo coñecendo de primeira man as necesidades das empresas, especialmente familiares, detectei que todas solicitaban un tipo de axuda que moi poucas consultoras podían ofrecer.

Así naceu ARXON ESTRATEXIA, consultora de estratexia para empresas familiares, ofrecendo un servizo de acompañamento na toma de decisións do día a día da dirección achegando unha visión complementaria sobre o terreo. Ofrecemos un servizo ao empresario para que non se sinta só nas decisións da súa empresa, aportandolle outros enfoques para afrontar os seus retos e obter solucións aos seus problemas.

OS NOSOS CLIENTES

Oficinas Arxon Estrategia

A CORUÑA
Rúa Madalena n.º 11
Porta 2 planta baixa
15895-Milladoiro (Ames)
A Coruña
LUGO
Rúa Bolaño Rivadeneira n.º 2
Entreplanta Local 7
27001 Lugo
+34 620 230 389
+34 881 99 89 25
info@www.arxonestrategia.com